Mið-Ísland mætir í Bæjarbíó sunnudaginn 23. apríl með splunkunýtt og brakandi ferskt uppistand.
Þetta er í fyrsta sinn sem Mið-Ísland treður upp í Bæjarbíói en sýningar hópsins eru langsamlega vinsælustu uppistandssýningar Íslands frá upphafi og hafa um 55.000 áhorfendur mætt á þær seinustu ár og hlegið sig máttlausa, tvo klukkutíma í senn.
Fyrri sýningar hópsins „Mið-Ísland í Kjallaranum“, „Áfram Mið-Ísland“, „Lengi Lifi Mið-Ísland“ og „Mið-Ísland 2016“ gengu allar fyrir fullu húsi í Þjóðleikhúsinu og er samanlagður sýningafjöldi hópsins frá upphafi kominn langt yfir 300 sýningar.
Sýningin um tvær klukkustundir með hléi og auk hins frábæra kynnis stíga fimm uppistandarar á svið. Ef hláturinn lengir lífið stefnir Mið-Ísland að ódauðleika!
Ummæli gesta frá fyrri sýningum Mið-Íslands:
„Ég kastaðist til af hlátri og skallaði vegg á sýningunni. Ég er massívur aðdáandi.“ – Ágústa Eva Erlendsdóttir, leikkona
„Loksins á Reykjavík alvöru uppistandssenu! Mið-Ísland er fyndnasta sýningin í borginni í mörg ár.“ – Gísli Marteinn Baldursson, sjónvarpsmaður
„Ógeðslega fyndið grín beint úr íslenskum samtíma. Þurfti að leggja mig inn á heilsuhælið í Hveragerði í kjölfarið.“ – Brynhildur Pálsdóttir, vöruhönnuður
„Ég hlæ ekki að hverju sem er, en ég hló mjög mikið á þessu uppistandi.“ – Heiða Kristin Helgadóttir, stjórnmálakona
„Það er dásamlegt að setja á sig góðan ilm og fara á sýningu þar sem allir eru meira og minna hlæjandi. Vagga íslenskrar uppistandsmenningar á skilið góðan ilm. Lifi Mið-Ísland!“ – Gunnar á Völlum, sjónvarpsmaður og skemmtikraftur.
„Sökk svo djúpt ofan í grínfenið á síðustu sýningu að Fjölnir Þorgeirsson er enn að reyna að draga mig upp.“ – Hrafn Jónsson, pistlahöfundur
„Loksins eitthvað fyndið eftir að Randver var rekinn!“ – Hjörvar Hafliðason, íþróttafréttamaður og dagskrárstjóri
„Stórkostlegt í alla staði. Maður finnur sálina léttast með hverri hláturroku og horfir á fýlúpúkana í kringum sig bráðna og brosa út í annað.“ – Guðrún Sóley Gestsdóttir, dagskrárgerðarkona á RÚV