Event info

Hápunktur og lokahóf Berjadaga 2017 fer fram í Menningarhúsinu Tjarnarborg á Ólafsfirði. Boðið er upp á girnilega tapasrétti og vínsmökkun undir suðrænni tónlistardagskrá. Katalónsk þjóðlög, óperutónlist og spænskur gítarsláttur mun seiða fram sannarlega berjabláa stemmningu! Yfir borðhaldi kemur Bjarni Frímann Bjarnason fram ásamt fríðum hópi tónlistarmanna og hinum glæsilegu söngvurum; Hönnu Þóru Guðbrandsdóttur, Þorsteini Frey Sigurðssyni og Margréti Hrafnsdóttur. Auk þeirra er sérstakur gestur hátíðarinnar þýska söngstjarnan Frédérique Friess.

Kokkurinn Ida Marguerite Semey reiðir fram girnilega tapasrétti og býður uppá vínsmökkun.

Veislustjóri verður fagurkerinn Eyjólfur Eyjólfsson tenór og þjóðfræðingur!

Flytjendur:
Bjarni Frímann Bjarnason
Frédérique Friess sópran
Hanna Þóra Guðbrandsdóttir sópran
Þorsteinn Freyr Sigurðsson tenór
Margrét Hrafnsdóttir sópran
Ave Kara Sillaots harmónikka
Þorvaldur Már Þorvaldsson gítar
Hulda Jónsdóttir fiðla
Ólöf Sigursveinsdóttir selló

Tónlistarhátíðin Berjadagar 2017 fer fram á Ólafsfirði 17.-20. Ágúst. Á hverju kvöldi verða klassískir tónleikar og skemmtilegir viðburðir á daginn. Dagskráin er fyrir alla aldurshópa og ókeypis aðgangur fyrir 18 ára og yngri nema í lokahófið í Tjarnarborg.

Athugið að hátíðarpassi fyrir alla tónleika og lokahóf hátíðarinnar veitir góðan afslátt en hann kostar 9500 kr./1500 kr. fyrir 18 ára og yngri.

Hátíðarpassi

Facebook