Svavar Knútur söngvaskáld hefur nú loksins náð hinni stórkostlegu og skemmtilegu tölu 42 í aldri. Mun hann af því tilefni fagna afmæli sínu með því að halda sérstaka tribute tónleika í Tjarnarbíó, þar sem fram koma fjöldi söngvara og annarra tónlistarmanna og flytja lög Svavars með sínu nefi. 

Rúmir 20 söngvarar, bæði landsþekktir og minna þekktir hafa boðað þátttöku sína, svo þarna verður svo sannarlega margt um manninn og fjölmörg lög tekin.

Fyrir tónleikana, sem hefjast, kl. 20.30 verður teiti á Tjarnarbarnum.

Ágóði tónleikanna mun að sjálfsögðu renna til góðs málefnis.