Um viðburðinn

Fram koma, Svartidauði, Carpe Noctem, Sinmara, Abominor, Misþyrming, Mannvirki, Naðra og Úrhrak.

Íslenskt tónlist hefur verið í mikilli sókn síðustu ár og er þungarokkið þar engin undantekning. Erlend plötufyrirtæki hafa í auknum mæli tekið eftir hæfileikum þeim sem hér liggja og af þeim hljómsveitum sem koma fram á Andkristni þetta árið hafa tvær þegar gefið út breiðskífur á erlendum fyrirtækjum og önnur með eina væntanlega.

Svartidauði hefur verið stöðugri sókn síðan að fyrsta breiðskífa þeirra, Flesh Cathedral, kom út í desember 2012. Svartidauði hefur spilað á tónlistarhátíðum um gjörvalla Evrópu síðustu ár og er þröngskífa þeirra, Synthesis of Whore and Beast væntanleg í aðventuni. Terratur Possessions sér um útgáfumál Svartadauða í Evrópu en Daemon Worship Productions í Bandaríkjunum.
www.facebook.com/svartidaudi

Carpe Noctem voru stofnaðir 2005 en sveitin hefur starfað í núverandi mynd frá árinu 2009. Fyrsta plata sveitarinnar, In Terra Profugus, kom út árið 2013 á vegum ítalska fyrirtækisins Code666. Hljómsveitin kemur örsjaldan fram á tónleikum og er því fyrir öllu að mæta og hlusta.http://carpenoctem.bandcamp.com/

Sinmara gaf nýverið út sína fyrstu breiðskífu, Aphotic Womb í gegnum norska útgáfufyrirtækið Terratur Possessions, auk þess sem þeir komu fram á tónlistarhátíðini Beyond The Gates í Bergen í ágúst síðastliðnum.

https://www.facebook.com/sinmaraofficial

Misþyrming er þriðja bandið á listanum sem er mála hjá Terratur Possessions og er fyrsta breiðskífa þeirra, Söngvar Elds og Óreiðu væntanleg á næstu mánuðum.
https://www.facebook.com/Misthyrming

Abominor skrifaði nýverið undir samning hjá írska plötufyrirtækinu Invictus Productions. Fyrsta þröngskífa sveitarinar, Opus Decay, er væntanleg snemma á næsta ári.
https://www.facebook.com/pages/Abominor/275583995793045?fref=ts

Lítið er vitað um hljómsveitina Mannvirki og engar upptökur eru til með þeim. Satt best að segja hefðum við aldrei bókað þá nema að því að þeir hótuðu okkur.

Naðra kom fram á sjónarsviðið fyrr í ár með demóinu 'Eitur' sem hefur vakið einhverja athygli erlendis. Hljómsveitin vinnur núna að smáskífu sem kemur út í gegnum kínverska útgáfufyrirtækið Goatowarex fyrri hluta 2015 og er einnig að leggja lokahönd á fyrstu plötu sína. https://nadra.bandcamp.com/

Úrhrak hafa starfað um nokkuð skeið en lítið er vitað um hljómsveitina. Kaldur og yfirþyrmandi svartmálmur af gamla skólanum.http://urhrak.bandcamp.com/