Tix.is

  • Frá 27. desember
  • Til 30. desember
  • 4 dagsetningar
Miðaverð:12.990 - 26.990 kr.
Um viðburðinn

Sigur Rós tekur yfir Hörpu milli jóla- og nýárs

Hljómsveitin Sigur Rós kemur fram á fernum tónleikum í Eldborg dagana 27., 28., 29. og 30. desember. Á sama tíma heldur hún veigamikla listahátíð og býður gestum hátíðarinnar að fara „Norður og niður“.

TÓNLEIKARNIR

Tónleikar Sigur Rósar í Eldborgarsal Hörpu verða þeir síðustu á 18 mánaða tónleikaferðalagi hljómsveitarinnar um heiminn sem hófst um mitt síðasta ár. Þá verða liðin 5 ár síðan hljómsveitin kom fram á Íslandi.

1.500 manns komast á hverja tónleika Sigur Rósar í Eldborg og geta áhugasamir tryggt sér tvo miða. Athugið að miðar á tónleika Sigur Rósar gilda ekki á Norður og niður hátíðina en handhafar geta keypt passa á hana á góðum afslætti þegar þeir fara í sölu.

HÁTÍÐIN

Listahátíðin Norður og Niður mun hýsa tónlistarviðburði, innsetningar, dans, kvikmyndasýningar og óvæntar uppákomur vina og samverkafólks Sigur Rósar í gegnum tíðina í öllum mögulegum og ómögulegum plássum sem finna má í Hörpu, dagana 27. - 30. desember.

Dagskráin verður afhjúpuð í byrjun september og í kjölfarið hefst sala á pössum. Handhafar miða á tónleika Sigur Rósar geta keypt passa á listahátíðina Norður og niður á sérstöku tilboðsverði þegar þeir fara í sölu.

Hlökkum til að sjá ykkur í Hörpu milli jóla og nýárs.

Sigur Rós og Harpa