Um viðburðinn

Á hátíðlegum nótum - Jólatónleikar Siggu Beinteins
Eldborg / Harpa 8. desember 2017 kl. 21:00
Eldborg / Harpa 9. desember 2017 kl. 21:00

Komdu og láttu heillast í Hörpu!

Hér má sjá kynningarmyndand um tónleikana

Jólatónleikar Siggu Beinteins verða haldnir í Eldborgarsal Hörpu 8. og 9. desember nk. Þetta verða níundu jólatónleikar Siggu á ferlinum og fjórða árið í röð sem þeir eru haldnir í Eldborg.

Sigga fyllir hjörtu tónleikagesta af gleði og kærleika mitt í jólaamstrinu með sinni fallegu rödd, gríni og glensi, einlægni og dillandi hlátri. Fyrir síðustu jól var uppselt á tvenna ógleymanlega tónleika Siggu í Eldborg, en kvöldin voru sem töfrum líkust og stemningin sem myndaðist í salnum lét engan ósnortinn, enda lagavalið sambland af klassískum jólalögum, hressum poppjólalögum og mögnuðum ballöðum sem spiluðu á allan tilfinningaskala tónleikagesta. Umgjörðin utan um tónleikana er einkar falleg þar sem jólatré, falleg sviðsmynd og glæsileg grafík ásamt miklu ljósaspili og mögnuðum gestum spila stóran þátt í að gera tónleikana bæði hlýlega, hátíðlega og afar eftirminnilega.

Með Siggu koma fram góðir gestir ásamt landsliði tónlistarmanna og tónninn sem gefinn er er einlægur og hlýr - eins og Sigga sjálf.

Sérstakir gestir / Guests
Regína Ósk
Gissur Páll Gissurarson
Elísabet Ormslev
Páll Rósinkranz

Hljóðfæraleikarar / Band
Benedikt Brynleifsson á trommur / slagverk
Friðrik Karlsson á gítar
Karl Olgeirsson á pianó / hljómborð
Róbert Þórhallsson á bassa
Stefán Örn Gunnlaugsson á hljómborð
Matthías Stefánsson á fiðlu og gítar

Bakraddir / Backing vocals
Alma Rut Kristjánsdóttir, Gísli Magna Sigríðarson og Íris Hólm.

Fylgstu með Siggu
Facebook
Youtube
Sigga Beinteins