Um viðburðinn

Geisladiskur Tómasar R., Bongó, var í hópi mest seldu geisladiska síðasta árs og lög af honum verið mikið spiluð á öldum ljósvakans. Í september 2017 munu fjórir meðlimir Bongóbandsins gera víðreist um landið og halda tónleika á sjö stöðum. Það eru söngvararnir Sigríður Thorlacius og Bógómíl Font, kontrabassaleikarinn Tómas, gítarleikarinn Ómar Guðjónsson og á kóngatrommur spilar Sigtryggur Baldursson. Diskurinn hefur hlotið mjög lofsamleg ummæli bæði hérlendis og á fjölmörgum vefmiðlum latíntónlistarinnar í Evrópu og Ameríku:

,,Gríðarlega vel heppnuð...Klárlega besta og heillegasta latinplatan sem Tómas hefur sent frá sér." Pétur Grétarsson http://www.ruv.is/frett/lifleg-og-notaleg-i-senn

,,Sveiflurík og neistandi tónlist, klædd í flosklæði og vippað fram af fólki sem er með tónlistina í blóðinu." Arnar Eggert Thoroddsen http://www.ruv.is/frett/med-tonlistina-i-blodinu

,,Veisla fyrir eyrun." Ingimar Bjarnason http://starafugl.is/2016/veisla-fyrir-eyrun/

,,Sannkallað snilldarverk... frábærar lagasmíðar, óaðfinnanlegur flutningur og söngur sem heldur manni föngnum... Ein af bestu plötum ársins!" http://elkillerdelasalsa.blogspot.is/2016/11/tomas-r-einarsson-bongo-2016.html#more Spánn

,,Diskurinn Bongó er fullur af íslenskri orku og töfrum þessarar tónlistarblöndu sem Einarsson hefur svo meistaraleg tök á... Kraftur, kunnátta, túlkun og næmni eru meðal þeirra kosta sem einkenna tónlist Tómasar R. Einarssonar.” http://ferarca.blogspot.is/2016/11/2016-tomas-einarsson-bongo.html Mexíkó