Um viðburðinn

Lokaviðburður Serbneskrar menningarhátíðar á Íslandi -  tónleikar í Guðríðarkirkju 19.nóvember

„Heimarnir mætast - Á tónlistarlegu ferðalagi um tíma“

Í fyrsta sinn á Íslandi, einstakur menningarviðburður þar sem Serbnesk og Íslensk tónverk tvinnast saman eina kvöldstund í Guðríðarkirkju þann 19. nóvember næstkomandi.

Á tónleikunum munu áheyrendur njóta og kynnast bæði sígildum og nýrri dægurlögum beggja heima í flutningi Serbneskra og Íslenskra tónlistarmanna. Við munum auk þess verða vitni að því þegar stórkostlegir óperu söngvarar mæta fjörlegum og skemmtilegum karlakór. Þeir eiga það þó allir það sameiginlegt að vera  jafnvígir á hina ýmsu stíla og hræðast ekki að takast á við nýjan óvæntan stíl.

Fram koma: Maestro Djordje Stankovic ásamt sönghópnum Nokturno frá Serbíu Guðbjörg R. Tryggvadóttir sópran ásamt Drengjakór Þorfinnsbræðra og Davíð Ólafsson bassi. Ævar Einarsson, Helgi Már Hannesson og Djordje Stankovic fylgja söngvurum með undirleik á píanó.

Þetta er sannarlega einstök kvöldstund sem þú vilt ekki missa af.

Áhugasamir geta keypt miða á TIX.IS og er miðaverð 2.500 kr.

Húsið opnar kl. 19:30 en tónlistarmenn stíga á stokk klukkan 20:00.

Sjáumst í Guðríðarkirkju, Kirkjustétt 8 113 Reykjavík, sunnudaginn 19.nóvember.

Serbneska Menningarmiðstöðin á Íslandi