Davíð upplifir umhverfi sitt sem tvo aðskilda heima. Annars vegar raunheiminn þar sem hann býr einn í stúdíóíbúð sinni, hræddur við það sem er hinumegin við útidyrnar, og hinsvegar heim tölvuleikja og netsamskipta. Þar eru engin vandamál. Þar getur hann verið nákvæmlega sá sem hann vill vera. Þar getur hann líka verið með SOL.

Allir elska SOL. Allir girnast SOL. Allir vilja vera SOL. Það er skiljanlegt. Hún er sterkust, fljótust, fallegust og gáfuðust. Hún er almáttug og ódauðleg.

En er hægt að verða ástfanginn af manneskju sem maður veit nær ekkert um, hefur aldrei séð og hvað þá hitt? Eru stafrænar tilfinningar raunverulegar, eða eru þær bara flóttaleið frá óútreiknanlegum raunveruleikanum?

Sagan af SOL byggir á raunverulegri ástarsögu úr samtímanum.

Aðstandendur:

Leikstjóri: Tryggvi Gunnarsson
Aðstoðarleikstjóri: Bryndís Ósk Þ. Ingvarsdóttir
Leikarar: Salóme Rannveig Gunnarsdóttir, Hilmir Jensson og Kolbeinn Arnbjörnsson
Handrit: Hilmir Jensson og Tryggvi Gunnarsson
Hreyfihönnuður: Sigríður Soffía Níelsdóttir
Leikmynd, ljósahönnun og hljóðheimur: Tryggvi Gunnarsson, Hafliði Emil Barðason og Valdimar Jóhannsson
Ljósmyndir: Hörður Sveinsson
Kynningarefni: Hörður Ellert Ólafsson