Tix.is

Sala hefst 01. feb. - Kl. 10:00
Miðaverð:6.900 - 8.900 kr.
Um viðburðinn

Sýningar- og körfuboltalið Harlem Globetrotters er væntanlegt til Íslands í maí og verður með tvær sýningar, eina í Laugardalshöll Reykjavík og eina í Íþróttahöllinni á Akureyri.

Þetta er í sjötta skiptið sem liðið setur upp sýningar hér á landi og þar af annað skiptið sem liðið fer norður á Akureyri. Síðast fóru þeir þangað árið 2002 og troðfylltu Íþróttahöllina.

Ávallt hefur verið uppselt á sýningar þeirra og vorið 2013 komust færri að en vildu og þurfti að vísa fjölda manns frá á sýningardegi, svo mikill var áhuginn á þessari frábæru fjölskylduskemmtun. Forsvarsmenn Harlem Globetrotters brugðust fljótt við og huguðu strax að endurkomu sem verður að veruleika þann 30.  maí 2018. Harlem Globetrotters munu sýna snilli sína með ótrúlegum uppákomum þar sem gleðin verður fyrst og fremst við völd.

Harlem Globetrotters er elsta fjölskyldusýning i heimi. Fyrsta liðið var myndað árið 1926 og upp frá því hefur hópurinn ferðast til 122 landa og komið fram á yfir 25.000 sýningum. Núverandi sýning einkennist af samkeppni liðsins við annað sýningarlið, hina svonefndu Washington Generals.

Ekki missa af þessu, miðasala hefst 1.febrúar!